2021

டோக்கியோ சீமெந்து குழுமம் மற்றும் பௌண்டேசன் ஆஃப் குட்னஸ் ஏ.வை.எஸ். ஞானம் கிராமத்தின் இதய துடிப்பு வலுவூட்டல் நிலையத்தினை தம்புள்ளையில் தொடக்கி வைத்தது.   தம்புள்ளை, சிசிரவத்தையில் அமைந்துள்ள ஏ.வை.எஸ்.ஞானம் கிராம இதயத் துடிப்பு வலுவூட்டல் நிலையம், குறைந்த வருமானம் கொண்ட குடும்பங்களைச் சேர்ந்த ஆரம்பபிரிவு முதல் தரம் 5 வரையிலான மாணவர்களுக்கு விஞ்ஞானம், கணிதம், தகவல் தொழில்நுட்பம், ஆங்கிலம், தமிழ் மற்றும் பாரம்பரிய நடனம் போன்ற பாடங்களில் இலவச கல்வி உதவிகளை வழங்குகிறது.மேலும் இந்நிலையத்தில்; நடத்தப்படும் பிற திட்டங்களில் வாழ்க்கைத் திறன்கள் பயிற்சிகள், தொழில் பயிற்சி மற்றும் விளையாட்டு ஆகியவையும் அடங்கும், சிறந்த வேலை வாய்ப்புகளுக்கு அப்பகுதியில் உள்ள இளைஞர்களுக்கு இத்திட்டன் ஊடாக பயிற்சி வழங்கப்படுகின்றது.பெண்களுக்கு அதிகாரமளித்தல் எனும் கருத்தினை ஆழமாக வலியுருத்தும் அந்நிலையமானது ஆடை தயாரித்தல், சமையல் மற்றும் அழகு கலாச்சாரம் பற்றிய தொழில்முறை கற்கை நெறிகளையும் நடத்துகிறது. மேலும் இளைஞர்களுக்கு விருந்தோம்பல், விவசாயம், வெதுப்பகம், மின் வயரிங், சிசிடிவி நிறுவுதல் மற்றும் கைத்தொலைபேசி பழுது பார்த்தல் போன்ற தொழில்சார் படிப்புகள் குறித்த பயிற்சித் திட்டங்களையும் வழங்குகின்றது.