Filtered Press Release : 2021 Jul
පරිසර අමාත්‍යාංශය හා ටෝකියෝ සිමෙන්ති සමූහයේ එකමුතුවෙන් ‘ඉවුර රකින පවුර’ සමාරම්භක උත්සවය මනම්පිටියේදී
පරිසර අමාත්‍යාංශය සහ ටෝකියෝ සිමෙන්ති සමූහයේ එකමුතුවෙන් ක්‍රියාත්මක මහවැලි ගංගා ද්‍රෝණියේ කුඹුක් සහ මී පැළ සිටුවීමේ ‘ඉවුර රකින පවුර’ ජාතික වැඩසටහනේ සමාරම්භය නොබෝදා පොළොන්නරුව මනම්පිටිය මහවැලි ගං ඉවුර අසල සනිටුහන්කරන ලදී. පරිසර අමාත්‍ය ගරු. මහින්ද අමරවීර මැතිතුමන්ගේ සුරතින් පළමු කුඹුක් පැළය රෝපණය කරමින් දියත් කෙරුණු මෙම උත්සවය, රජයේ සහ ටෝකියෝ සිමෙන්ති සමූහයේ නිලධාරීන් කිහිපදෙනෙකු ඇතුළු …
පරිසර අමාත්‍යාංශය සහ ටෝකියෝ සිමෙන්ති සමූහයේ එකමුතුවෙන් ක්‍රියාත්මක මහවැලි ගංගා ද්‍රෝණියේ කුඹුක් සහ මී පැළ සිටුවීමේ ‘ඉවුර රකින පවුර’ ජාතික වැඩසටහනේ සමාරම්භය නොබෝදා පොළොන්නරුව මනම්පිටිය මහවැලි ගං ඉවුර අසල සනිටුහන්කරන ලදී. පරිසර අමාත්‍ය ගරු. මහින්ද අමරවීර මැතිතුමන්ගේ සුරතින් පළමු කුඹුක් පැළය රෝපණය කරමින් දියත් කෙරුණු මෙම උත්සවය, රජයේ සහ ටෝකියෝ සිමෙන්ති සමූහයේ නිලධාරීන් කිහිපදෙනෙකු ඇතුළු ප්‍රදේශවාසී නියෝජිතයින් සීමිත පිරිසකගේ සහභාගීත්වයෙන් පැවැත්විණි.
රජයේ පරිසර සංරක්ෂණ ප්‍රතිපත්ති ප්‍රකාශනයෙහි ඇතුලත් පරිදි රටේ වනාන්තර ආවරණයට අළුතින් ගස් මිලියන 2 ක් එකතුකරවන “හුස්ම දෙන තුරු” ජාතික රුක් රෝපණ ක්‍රියාන්විතයේ දිගුවක් වන මෙම ‘ඉවුර රකින පවුර’ වැඩසටහනෙහි දූරදර්ශී අරමුණ වන්නේ සංවේදී ගංගා රක්ෂිතයන් වත්මන් සහ අනාගත පරම්පරාවන් උදෙසා තිරසාරව කළමනාකරණය කිරීමයි.
කිලෝමීටර් 335ක් දිග මහවැලි ගංගාවේ මනස්කාන්ත ඉවුරු දෙපස ටෝකියෝ සිමෙන්ති සමූහයේ පූර්ණ අනුග්‍රහය ඇතිව වසර 3ක් ඇතුලත කුඹුක් සහ මී පැළ 168,000ක් සිටුවීම මෙම ව්‍යාපෘතියේ ඉලක්කයයි. ටෝකියෝ සිමෙන්ති සමූහයේ ආයතනික තිරසාරත්ව කළමනාකරු, සාලින්ද කඳපොල මහතා සහ ටෝකියෝ සිමෙන්ති සමූහයේ අලෙවි නියෝජිත ජාලය නියෝජනය කරමින්, පොළොන්නරුව මද්දුම ඩිස්ට්‍රිබියුටර්ස් ආයතනයේ අධිපති ඒ. ජී. මද්දුමබණ්ඩාර මහතා විසින්, ඉවුර රකින පවුර ගොඩනැංවීම සඳහා පළමු කුඹුක් පැළ කාණ්ඩය ගරු පරිසර අමාත්‍ය මහින්ද අමරවීර මැතිතුමන් වෙත සංකේතාත්මකව පිළිගැන්වීම මෙහිදී සිදුකළහ. තවද මහවැලි ගඟේ සංවේදී ජල පෝෂක ප්‍රදේශවල තිරසාර කළමනාකරණය උදෙසා ඉතා වැදගත් කාර්‍යභාරයක් ඉටුකරන, පොළොන්නරුව ප්‍රදේශයේ ප්‍රජා නියෝජිතයින් කිහිප දෙනෙකු වෙත ගරු ඇමතිතුමන් විසින් කුඹුක් සහ මී පැළ ලබාදීමද මෙම සමාරම්භක උත්සවයේදී සිදු කෙරිණි.
පරිසර අමාත්‍ය ගරු. මහින්ද අමරවීර මැතිතුමන් සමඟ ටෝකියෝ සිමෙන්ති සමාගමේ ආයතනික තිරසාරත්ව කළමනාකාර සාලින්ද කඳපොල මහතා සහ ටෝකියෝ සිමෙන්ති සමූහයේ අලෙවි නියෝජිත ජාලය නියෝජනය කරමින් පොළොන්නරුව මද්දුම ඩිස්ට්‍රිබියුටර්ස් ආයතනයේ අධිපති ඒ. ජී. මද්දුමබණ්ඩාර මහතා “ඉවුර රකින පවුර” වැඩසටහනේ සමාරම්භක උත්සවයේදී
වසර ගණනාවක පටන්, ත්‍රිකුණාමලය සහ මහියංගනයේ පිහිටි ටෝකියෝ සිමෙන්ති සමූහයේ වන රෝපණ පැල තවාන් මගින්, රටේ අද්විතීය ජෛව විවිධත්වය සංරක්ෂණය කිරීමේ අරමුණින්, කුඹුක්, කරඳ, මී සහ ඉඟිනි වැනි ඖෂධීය වටිනාකමින් යුත්, රටේ විවිධ දේශගුණික කලාපයන්ට ගැලපෙන ස්වදේශික වනාන්තර පැළ ප්‍රචාරණය කිරීම සිදුකරයි. විවිධ ප්‍රජා සංවිධාන හා රාජ්‍ය ආයතන විසින් මෙහෙයවන, මහවැලි කලාප ඇතුළු දිවයින පුරා පැවැත්වෙන රුක් රෝපණ වැඩසටහන් සඳහා මෙම පැල ලබාදෙයි. එබැවින්, මහවැලි ගංගා ද්‍රෝණිය සංරක්ෂණය අරමුණු කරගත්, ‘ඉවුර රකින පවුර’ ව්‍යාපෘතියට අනුග්‍රහය දැක්වීමෙන් පමණක් නොනැවතී, ඒ සඳහා අවශ්‍ය කුඹුක් සහ මී පැළ ද සපයාදෙමින් පරිසර අමාත්‍යාංශය සමඟ එක්වන්නට ලැබීම, ටෝකියෝ සිමෙන්ති සමූහයේ මෙම ජාතික කර්තව්‍යය වඩාත් පුළුල් කිරීමට ලැබුනු මහඟු අවස්ථාවකි.
පරිසර අමාත්‍ය ගරු මහින්ද අමරවීර මැතිතුමන් විසින් ප්‍රජා නියෝජිතයින් කිහිපදෙනෙකු වෙත කුඹුක් සහ මී පැළ සංකේතාත්මකව බෙදා දෙමින්
වන රෝපණ පැල තවාන් හරහා දේශීය රුක්ෂලතා ප්‍රචාරණයට අමතරව තවත් පාරිසරික සංරක්ෂණ ව්‍යාපෘති රැසක් ටෝකියෝ සිමෙන්ති සමූහය විසින් අති සාර්ථක ලෙස ක්‍රියාත්මක කරනු ලබයි. වඳවීමේ තර්ජනයට දැඩිව මුහුණපා තිබෙන නැගෙනහිර වෙරළේ කඩොලාන වනාන්තර නැවත ප්‍රතිස්ථාපනය සහ දිවයින අවට මුහුදු තීරයේ කොරල් පර සංරක්ෂණය මින් ප්‍රමුඛතම වේ. පරිසර සංරක්ෂණය කෙරෙහි සමාගම දක්වන කැපවීම ජීවමාන කරවන මෙම වැඩසටහන් මගින්, අප රට, අපේ ජනතාව සහ රටේ පරිසරය ස්ථිරසාර අන්දමින් නගාසිටුවීම ටෝකියෝ සිමෙන්ති සමූහය තම ව්‍යාපාරික දැක්මේ නිසග කොටසක් බවට පත්කරගෙන ඇතිබව ප්‍රකට කරවයි.
ඡායාරූපය:
පරිසර අමාත්‍ය ගරු මහින්ද අමරවීර මැතිතුමන් විසින් ‘ඉවුර රකින පවුර’ ගොඩනැංවීම සඳහා පළමු කුඹුක් පැළය මනම්පිටියේ මහවැලි ගං ඉවුරේ රෝපණය කළ අවස්ථාව
ටෝකියො සිමෙන්ති සමාගමේ “දිවියට දිය දහරක්” පානීය ජල ව්‍යාපෘතිය සියඹලාගස්වැව ජනතාවට පිළිගන්වයි
ටෝකියෝ සිමෙන්ති සමූහය සිය “දිවියට දිය දහරක්” ව්‍යාපෘතියේ තවත් පියවරක් සනිටුහන් කරමින්, මිහින්තලය ප්‍රදේශයේ සියඹලාගස්වැව වැසියන්ට පිරිසිදු පානීය ජල පහසුකම් සලසාදීම නොබොදා සිදුකෙරින. සියඹලාගස්වැව ගම්වැසියන් 650 කට ආසන්න පිරිසකට ජීවිතයේ වටිනාම ත්‍යාගය වන පිරිසිදු දිය පොදක් ලබාදීමේ අරමුණ ඇතිව, දිනකට ලීටර් 5000 ක ධාරිතාවයකින් යුත් ප්‍රති-ආස්‍රැති තාක්‍ෂණය (RO-රිවර්ස් ඔස්මෝසිස්) යොදාගනිමින් පිරිපහදුකරණය කරන ලද ජල පවිත්‍රකරණ …
ටෝකියෝ සිමෙන්ති සමූහය සිය “දිවියට දිය දහරක්” ව්‍යාපෘතියේ තවත් පියවරක් සනිටුහන් කරමින්, මිහින්තලය ප්‍රදේශයේ සියඹලාගස්වැව වැසියන්ට පිරිසිදු පානීය ජල පහසුකම් සලසාදීම නොබොදා සිදුකෙරින. සියඹලාගස්වැව ගම්වැසියන් 650 කට ආසන්න පිරිසකට ජීවිතයේ වටිනාම ත්‍යාගය වන පිරිසිදු දිය පොදක් ලබාදීමේ අරමුණ ඇතිව, දිනකට ලීටර් 5000 ක ධාරිතාවයකින් යුත් ප්‍රති-ආස්‍රැති තාක්‍ෂණය (RO-රිවර්ස් ඔස්මෝසිස්) යොදාගනිමින් පිරිපහදුකරණය කරන ලද ජල පවිත්‍රකරණ පද්ධතියක් මෙහිදී ස්ථාපනය කරනු ලැබිණි. රජයේ සෞභාග්‍යයේ දැක්ම ප්‍රතිපත්ති ප්‍රකාශනයේ දක්වා ඇති පරිදි දිවයිනේ සෑම නිවසකටම පිරිසිදු පානීය ජලය සැපයීම සඳහා වූ දූරදර්ශී ඉලක්කය සාක්ෂාත් කරවීම උදෙසා දායකත්වය සැපයීම ටෝකියෝ සිමෙන්ති සමූහයේ උත්සාහයයි.
ටෝකියෝ සිමෙන්ති සමූහයේ දිවියට දිය දහරක් මිහින්තලේ සියඹලාගස්වැව වැසියන්ගේ මෙන්ම ඔවුන්ගේ ඉදිරි පරම්පරාවල සෞඛ්‍යය හා යහපැවැත්ම සහතික කරමින් පිරිසිදු ජලය සමග නැවුම් ජීවිත බලාපොරොත්තුවක් ද තිලිණ කිරීමට සමත්ව ඇත.
ටෝකියෝ ඊස්ටර්න් සිමෙන්ති සමාගමේ අධ්‍යක්ෂ / ටෝකියෝ සිමෙන්ති කම්හලේ සාමාන්‍යාධිකාරී වී.එම්. රවින්ද්‍රකුමාර් මහතා සහ, ටෝකියෝ සිමෙන්ති සමූහයේ අලෙවි නියෝජිත ජාලය නියෝජනය කරමින් අනුරාධපුර, කීර්ති ට්‍රේඩර්ස් ආයතනයේ අධිපති කේ. නානායක්කාර මහතා සහ එම මැතිණිය, අනුරාධපුර නව ග්‍රෑන්ඩ් ඩිස්ට්‍රිබියුටර්ස් ආයතනයේ අධිපති ජේ. එම්. තිරිමාන්න මහතා විසින් සියම්බලාගස්වැව ‘දිවියට දිය දහරක්’ පානීය ජල ව්‍යාපෘතිය විවෘත කෙරුණි. උතුරු මැද පළාත් සභාවේ ග්‍රාම සංවර්ධන දෙපාර්තමේන්තුවේ මඟ පෙන්වීම යටතේ සියඹලාගස්වැව මිහිඳු ග්‍රාම සංවර්ධන සමිතිය, ව්‍යාපෘතිය සාර්ථකව ක්‍රියාත්මක කිරීම සඳහා ටෝකියෝ සිමෙන්ති සමූහයට ඔවුන්ගේ පූර්ණ සහයෝගය ලබා දුන්හ.
ටෝකියෝ සිමෙන්ති සමාගමේ කළමණාකාර අධ්‍යක්ෂ එස්.ආර්. ඥානම් මහතා නිවේදනයක් නිකුත් කරමින් කියා සිටියේ, “අපි දිවියට දිය දහරක් පානීය ජල ව්‍යාපෘතිය ආරම්භ කළේ සියලු ජීවීන්ගේ පැවැත්ම සඳහා මූලික අවශ්‍යතාවය වන සුරක්‍ෂිත හා පිරිසිදු පානීය ජලය සැපයීමේ මානුෂීය දැක්ම ඇතිවයි. අපේ රටේ සමහර ග්‍රාමීය ප්‍රදේශවල දහස් ගණනකගේ ජීවිත බේරා ගැනීම සඳහා හොඳ තත්ත්වයේ ජලය අත්‍යවශ්‍ය කාරණයක් බවට පත්ව තිබෙනවා. දිවියට දිය දහරක් ව්‍යාපෘතිය හරහා, 2025 වන විට සෑම නිවසකටම පිරිසිදු පානීය ජල පහසුකම් සැපයීමේ ඉලක්කය සපුරා ගැනීම සඳහා රජයට සහයෝගය ලබාදීමට හැකිවීම අපට මහත් සතුටට කරුණක්”.
ටෝකියෝ සිමෙන්ති සමූහයේ අලෙවි නියෝජිත ජාලය නියෝජනය කරමින් අනුරාධපුර, කීර්ති ට්‍රේඩර්ස් ආයතනයේ අධිපති කේ. නානායක්කාර මහතා සහ එම මැතිණිය, අනුරාධපුර නව ග්‍රෑන්ඩ් ඩිස්ට්‍රිබියුටර්ස් ආයතනයේ අධිපති ජේ.එම්. තිරිමාන්න මහතා සහ ටෝකියෝ ඊස්ටර්න් සිමෙන්ති සමාගමේ අධ්‍යක්ෂ / ටෝකියෝ සිමෙන්ති කම්හලේ සාමාන්‍යාධිකාරී වී.එම්. රවින්ද්‍රකුමාර් මහතා විසින් සියඹලාගස්වැව ‘දිවියට දිය දහරක්’ පානීය ජල ව්‍යාපෘතිය විවෘත කරන ලදී.
හේන් වගාවට අමතරව මිහින්තලේ මහකන්දරාව වැවෙහි මිරිදිය මසුන් ඇල්ලීම සිය ජීවිකාව කරගත් සියඹලාගස්වැව වැසියෝ පානීය ජලය ලබා ගැනීමේදී බොහෝ දුෂ්කරතාවන්ට මුහුණ දුන්හ. අඩු ආදායම්ලාභී ගොවි පවුල් 171කට අයත් මෙම පිරිසෙන් කිහිප දෙනෙකුම හේතුව හඳුනා නොගත් නිදන්ගත වකුගඩු රෝගයෙන් බොහෝ කලක පටන් පීඩාවට පත්ව සිටින අතර, මෙම තත්ත්වය ගමේ කුඩා දරුවන්ගේ මෙන්ම අවදානම් වයස්වල පසුවන විශාල පිරිසකගේ ජීවිතවලට විශාල තර්ජනයක් ද එල්ල කර තිබේ.
ටෝකියෝ සිමෙන්ති සමූහය උතුරු මැද පළාත් සභාවේ ග්‍රාම සංවර්ධන දෙපාර්තමේන්තුව හා සියඹලාගස්වැව ග්‍රාම සංවර්ධන සමිතිය සමඟ ඒකාබද්ධව, ගම්මානයේ අත්හැර දමා තිබූ පැරණි ජල යෝජනා ක්‍රමය මුළුමණින්ම නවීකරණය කරමින් නව හා වැඩිදියුණු කළ ජල පිරිපහදු පද්ධතියක් ස්ථාපිත කරන ලදී. ටෝකියෝ සිමෙන්ති සමූහයේ සහෝදර සමාගමක් වන සෙන්ට්. ඇන්තනීස් සමාගමේ ජල විසදුම් අංශයේ පුර්ණ සහයෝගය ඇතිව සැලසුම් කරන ලද එම අංගසම්පුර්ණ ජල පිරිපහදු පද්ධතියට, ගම්මානයේ ජන ඝනත්වයට ගැලපෙන පරිදි ජලය ගබඩා කිරීම සඳහා ජල පොම්ප සහ ටැංකි සවි කිරීම සහ, භූගත ජලයේ ගුණාත්මකභාවය විද්‍යාත්මක අධ්‍යයනයන්ට ලක්කිරීමෙන් පසු නිර්මාණය කරන ලද, විශේෂිත ප්‍රති ආස්‍රැති ජල පිරිපහදු ක්‍රමවේදය අනුව සැකසු ජල පෙරණ පද්ධතියක් (Reverse Osmosis (RO) Water Purification) ස්ථාපිත කීරීම ඇතුලත් විය. දිවියට දිය දහරක් ආරක්ෂිත පානීය ජල ව්‍යාපෘතියේ ප්‍රථිපලයක් ලෙස සියළු ගම් වැසියන්ගේ මෙන්ම ඔවුන්ගේ ඉදිරි පරම්පරාවල සෞඛ්‍යය හා යහපැවැත්ම සහතික කෙරෙනු ඇත.
සියඹලාගස්වැව මිහිඳු ග්‍රාම සංවර්ධන සමිතියේ නියෝජිත පිරිස සමඟ උතුරු මැද පළාත් සභාවේ ග්‍රාම සංවර්ධන දෙපාර්තමේන්තුවේ නිලධාරී මහත්ම මහත්මීන් ටෝකියෝ සිමෙන්ති දිවියට දිය දහරක් පානීය ජල ව්‍යාපෘතිය විවෘත කිරීමට එක් වූහ.
ටෝකියෝ සිමෙන්ති සමූහයේ ‘දිවියට දිය දහරක්’ පිරිසිදු පානීය ජල ව්‍යාපෘතිය මේ වන විට දිනකට ලීටර් 30,000 ක සමුච්චිත ධාරිතාවයකින් යුත් ජල පවිත්‍රාගාර පහක් දිස්ත්‍රික්ක දෙකක ගම්මාන පහක ස්ථාපනය කරමින්, පුද්ගලයින් 3,100 කට වැඩි පිරිසකට පිරිසිදු ජලය සමග නැවුම් ජීවිත බලාපොරොත්තුවක් ද තිලිණ කිරීමට සමත්ව සිටියි. මෙයට කිලිනොච්චි දිස්ත්‍රික්කයේ වේරාවිල්, වලයිප්පාඩු සහ වීරපාණ්ඩියමුනෙයි සහ අනුරාධපුර දිස්ත්‍රික්කයේ නිදන්ගත වකුගඩු රෝගයෙන් දැඩි ලෙස පීඩාවට පත් වූ තවත් ගොවි ගම්මානයක් වන නාවක්කුලම අයත් වේ. ටෝකියෝ සිමෙන්ති සමූහය ඉදිරි මාසකිහිපයේදී දිවයින පුරා තෝරාගත් දුශ්කර ගම්මාන කිහිපයක පිරිසිදු පානීය ජල පිරිපහදු පහසුකම් ස්ථාපනය කරමින් දිවියට දිය දහරක් ව්‍යාපෘතිය ව්‍යාප්තිය පුළුල් කිරීමට සැලසුම් කර ඇත.
අප රටේ පිටිසරබද ගම්මානවල ජිවත්වන දහස්ගණනකගේ පිරිසිදු පානීය ජල ගැටලුවට ස්ථිරසාර විසදුමක් ලබාදීමේ මානුෂීය කර්තව්‍යය ටෝකියෝ සිමෙන්ති සමූහය විසින් මෑතකදී දියත් කරන ලද සුවිශේෂී වැඩසටහනකි. අපේ රටේ ජනතාවගේ සුභසිද්ධිය පාදක කරගත් මෙවන් සමාජ සවිබල ගැන්වීමේ ව්‍යාපෘති රැසකට සමාගම සිය දූරදර්ශී දායකත්වය සපයයි. ටෝකියෝ සිමෙන්ති සමූහයේ සමාජ වගකීම සඳහා වන කැපවීම මෙවැනි වැඩසටහන් තුළින් ජීවමාන අතර, එමඟින් අප ජාතිය ගොඩනැගීමේ ප්‍රමුඛතම හවුල්කරුවා වීමේ සමාගම් දැක්ම සාක්ෂාත් කරවීම ඔවුන්ගේ මුඛ්‍ය අරමුණයි.
පසුගිය පුවත් නිවේදන
| 2024 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2023 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2022 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2021 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2020 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2019 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2018 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2017 | Jan | Feb | Mar | Apr | May | Jun | Jul | Aug | Sep | Oct | Nov | Dec |
