මිශ්‍ර කිරීමට පෙර B සංරචකය (දියර) හොඳින් සොලවන්න

B සංරචකය (කි‍ලෝ 1 දියර) සම්පූර්ණයෙන්ම මිශ්‍රණ බඳුනට එක් කරන්න

A සංරචකය (කිලෝ 2 පවුඩර්) මිශ්‍රණ බඳුනට සෙමෙන් එකතු කරමින් මිශ්‍ර කරන්න

ඒකාකාරී මිශ්‍රණයක් ලැබෙන තෙක් මිශ්‍රණ යන්ත්‍රයක් ආධාරයෙන් මද වේගයකින් (300-400 rpm) මිනිත්තු 3-5ක් පමණ මිශ්‍ර කරන්න.

යොදන මතුපිට වියළි, ස්ථාවර හා ගැළවී ගිය ද්‍රව්‍ය, තෙල්, ග්‍රීස්, වැක්ස්, පොලිෂ් ආදිය නොමැති පිරිසිදු මතුපිටක් විය යුතුය. කම්බි බුරුසුවක් ආධාරයෙන් මතුපිට පිරිසිදු කර වැකුම් ක්ලීනරයක් යොදා දූවිලි ඉවත් කරගන්න

වෝටර් පෲෆින් යොදන මතුපිට පිරිසිදු ජලය යොදා හොඳින් පිරිසිදු කරගත යුතු අතර ආලේප කිරීමට පෙර හොඳින් වියළා ගත යුතුය

මේසන් හැන්දක් හෝ බුරුසුවක් ආධාරයෙන් ටෝකියෝ සුපර් 2K වෝටර්පෲෆින් ආලේප කරගන්න

ආවරණය කළ යුතු ප්‍රදේශය මත සිරස් අතට පළමු කෝට් එක (ඝණකම ආසන්න වශයෙන් මිලිමීටර් 0.8-1) ආලේප කරගන්න.

පළමු කෝට් එක වියළීම සඳහා පැය 4-6ක් පමණ තබන්න

දෙවැනි කෝට් එක (ඝණකම ආසන්න වශයෙන් මිලිමීටර් 0.8-1) තිරස් අතට ආලේප කරගන්න

ආලේපිත මතුපිට තෙතමනය රැකෙන සේ ඍජු හිරු එළියෙන් හා සුළඟින් ආරක්ෂා කර තබන්න

වාතය මඟින් වියළා ගැනීම ප්‍රමාණවත් වේ

ටෝකියෝ සුපර්සීල් 2K ආලේප කිරීමෙන් දින 7කට පසු මතුපිට ටයිල් ඇලවිය හැකිය

සිමෙන්ති හෝ වෙනත් සිමෙන්ති අමුද්‍රව්‍ය එක් කිරීමෙන් වළකින්න

මිශ්‍රණය උකු කිරීම සඳහා අමතර ජලය එකතු නොකරන්න

වෙනත් කිසිදු අමතර උත්ප්‍රේරක වර්ගය හෝ ඇඩිටිව් වර්ගයක් යෙදීමෙන් වළකින්න.

වෝටර් පෲෆින් යෙදූ මතුපිටට බදාම වැනි ආරක්ෂිත ලේයරයක් යොදන්න