Filtered Press Release : 2018 Jul
පරිසර හිතකාමී ටෝකියෝ සුපර් BHC සිමෙන්තිය CIOB හරිත සම්මානයට පාත්‍රවේ
පරිසර හිතකාමීත්වය හා ශක්තියෙන් වෙළඳපොලේ අංක.1 සිමෙන්තිය වන TOKYO SUPER BHC, සිලෝන් ඉන්ස්ටිටියුට් ඔෆ් බිල්ඩර්ස් (Ceylon Institute of Builders – CIOB) වෙතින් පිරිනමන හරිත සම්මානය හිමිකරගත් බව සතුටින් දන්වා සිටියි. ශ්‍රී ලංකාවේ පරිසර හිතකාමී ඉදිකිරීම් සංස්කෘතියක් ඇති කිරීම වෙනුවෙන් කැපවුණු විද්වත් මණ්ඩලයක් වන CIOB ආයතනය, නොබෝදා කොළඹ රමාඩා හෝටලයේදී පවත්වන ලද වාර්ෂික හරිත සම්මාන උළලේදී …
පරිසර හිතකාමීත්වය හා ශක්තියෙන් වෙළඳපොලේ අංක.1 සිමෙන්තිය වන TOKYO SUPER BHC, සිලෝන් ඉන්ස්ටිටියුට් ඔෆ් බිල්ඩර්ස් (Ceylon Institute of Builders – CIOB) වෙතින් පිරිනමන හරිත සම්මානය හිමිකරගත් බව සතුටින් දන්වා සිටියි. ශ්‍රී ලංකාවේ පරිසර හිතකාමී ඉදිකිරීම් සංස්කෘතියක් ඇති කිරීම වෙනුවෙන් කැපවුණු විද්වත් මණ්ඩලයක් වන CIOB ආයතනය, නොබෝදා කොළඹ රමාඩා හෝටලයේදී පවත්වන ලද වාර්ෂික හරිත සම්මාන උළලේදී මෙම රන් සම්මාන සහතිකය ටෝකියෝ සිමෙන්ති සමාගමට පිරිනමනු ලැබීය. CIOB ආයතනයේ විශේෂඥ තාක්ෂණික කමිටුවක් විසින්, ටෝකියෝ සුපර් BHC සංයෝග කරන ලද ද්‍රාව සිමෙන්තියේ නිෂ්පාදන ක්‍රියාවලිය, රසායනික සංයුතිය සහ විශේෂයෙන්ම එහි පරිසර හිතකාමී ගුණාංග, ලොව පිළිගත් හරිත ශ්‍රේණිගතකිරීමේ උපමානවලට අනුගතවන ආකාරය විශ්ලේෂණය කිරීමෙන් අනතුරුව මෙම සහතිකය පිරිනමනු ලැබීය.
ඉතා කෙටි කලක් ඇතුලත වෙළඳපොළ ජයගත් TOKYO SUPER BHC සංයෝග කරන ලද ද්‍රාව සිමෙන්තිය දැනට ශ්‍රී ලංකාවේ අඩුම කාබන් දර්ශකය හිමි සිමෙන්තියයි. ගල් අඟුරු දහනයේ අතුරු එලයක් වන Fly Ash සංයුතිය නිසා එහි ප්‍රතිචක්‍රීය වටිනාකම ඉහළ වනවා සේම, හුණුගල් ප්‍රතිශතය අඩු නිසා ඒ දහනයෙන් පරිසරයට මුදාහැරෙන CO2 ප්‍රමාණය අවම කරවීමත් නිසා TOKYO SUPER BHC පරිසර හිතකාමීත්වයෙන් අංක.1 බවට පත්වේ. ටෝකියෝ සිමෙන්ති සමාගම, සිය මුළු නිෂ්පාදන ක්‍රියාවලියම පරිසර හිතකාමී පුනර්ජනනීය බලශක්තිය භාවිතයෙන් සිදුකරන බැවින් TOKYO SUPER BHC නිපදවන්නේ ද ජෛව ඉන්ධන ඇසුරිනි. මෙනිසාම පරිසර හිතකාමී බවින් ඉහළ TOKYO SUPER BHC දැනට ශ්‍රී ලංකාවේ ඉදිකිරීම් ක්ෂේත්‍රයේ හරිත නිෂ්පාදන අතර ප්‍රමුඛත්වය ලබාගනියි.
ඕනෑම ඉදිකිරීම් වැඩකට ලෙහෙසියෙන්ම යොදා ගත හැකි සිමෙන්තියක් වන TOKYO SUPER BHC ශක්ති කාණ්ඩ 42.5 N යටතේ ශ්‍රී ලංකා ප්‍රමිති ආයතනයේ SLS 1247:2015 ප්‍රමිති සහතිකය හිමිකරගෙන ඇත. ඊට අමතරව, යුරෝපීය ප්‍රමිති සහතිකකරණයේ BS EN 197-1: 2011 වර්ගීකරණ කාණ්ඩ CEM IV/A (V) 42.5N – SR ප්‍රමිතියට අනුගතවන ලෙස TOKYO SUPER BHC නිපදවා ඇත. නූතන ඉදිකිරීම් ක්ෂේත්‍රයේ අනිවාර්යයෙන් තිබිය යුතු අන්තර්ජාතික තත්ත්ව සහතික අතරින් ඉහළම පිළිගැනීමට ලක්වන EN ප්‍රමිති සහතිකකරණය TOKYO SUPER BHC සඳහා හිමිවීම, එහි අසමසම ප්‍රමිතිය තහවුරු කරයි.
Fly Ash සමග උසස් ප්‍රමිතියේ සාමාන්‍ය පෝට්ලන්ඩ් සිමෙන්ති සංයෝග කිරීමෙන් නිපදවන නියම බ්ලෙන්ඩඩ් සිමෙන්තිය වන TOKYO SUPER BHC කාලයත් සමග ශක්තියෙන් වැඩි වේ. අනෙකුත් සිමෙන්ති මෙන් කෙටිකලකින් උපරිම ශක්තිය ලබාගැනීමෙන් නොනැවතී, දින 100 ද ඉක්මවා මෙම සංයෝග කරන ලද ද්‍රාව සිමෙන්තියේ ශක්තිය ක්‍රමක්‍රමයෙන් වැඩිවන බව ප්‍රයෝගිකව තහවුරුකර ඇත. මීට හේතුව වන්නේ, Fly Ash අංශුවලින් සෑදෙන වඩාත් සියුම් ක්ෂුද්‍රඅවකාශ නිසා කාලයත් සමග කොන්ක්‍රීට් මිශ්‍රණයේ සංයුක්ත ඝනත්වය ඉහළයාමයි.
ජලය සමඟ මිශ්‍ර කිරීමෙන් භාවිතයට ඉතා පහසු සුමට බදාමයක් ලබාදෙන TOKYO SUPER BHC සිමෙන්තිය, Fly Ash අඩංගුවීම නිසාම අනෙකුත් කිසිදු සිමෙන්තියක නොමැති විශේෂාංග රැසකින් ද පිරිපුන් වේ. පළමුව, එහි විශේෂ රසායනික සංයුතිය නිසා මිශ්‍රණයේ තාප ධාරිතාවය ඉහළ වන බැවින්, කොන්ක්‍රීට් උෂ්ණත්වය නිසා සියුම් පැලීම් හටගැනීම වලක්වාලයි. මහල් ගොඩනැගිලි සහ දැවැන්ත ඉදිකිරීම් වලට අවශ්‍ය විශාල කොන්ක්‍රීට් පරිමාවන් සඳහා TOKYO SUPER BHC වඩාත්ම අනුමත කරන්නේ මෙම තාප නියාමන හැකියාව නිසාවෙනි.
සිමෙන්ති ඛාදනයට ලක්කරන සල්ෆේට් සහ ක්ලෝරයිඩ් රසායනිකයන්ට ප්‍රතිරෝධය දැක්වීම Fly Ash නිසා ලැබෙන තවත් විශේෂ වාසියකි. මේ හේතුවෙන් කොන්ක්‍රීට් ව්‍යුහයන්ට ලැබෙන දිගුකාලීන ආරක්ෂාව නිසා වෙරළාසන්න, වගුරුසහිත, ජලාශ්‍රිත තෙත්බිම් හෝ නිතරම ජලයෙන් යටවන බිම්වල ඉදිකිරීම් සඳහා TOKYO SUPER BHC ඉතා යෝග්‍ය වේ. විවිධ රසායනික තත්වයන් නිසා මල බැඳීමට ඇති ප්‍රවණතාවය වළක්වාලමින්, කොන්ක්‍රීට් වැරගැන්නුම් වානේ කම්බි වලට උපරිම ආරක්ෂාව ලබාදෙන, කල්පවතින ඉදිකිරීම්වලට හොඳින්ම ගැලපෙන සිමෙන්තිය TOKYO SUPER BHC බව මෙනිසා අවිවාදයෙන් පිළිගැනේ.
පාරිසරික වගකීම ඉටුකරන ස්ථිරසාර දැක්මක් ඇති ඉදිකිරීම් කේෂත්‍රයක් ශ්‍රී ලංකාවේ ස්ථාපිත කිරීම උදෙසා, CIOB ආයතනය, ඉංජිනේරුවන්, වාස්තුවිද්‍යාඥයින්, කොන්ත්‍රාත්කරුවන් සහ ගොඩනැගිලි ද්‍රව්‍ය නිෂ්පාදකයින් ඇතුළු ඉදිකිරීම් කේෂත්‍රයේ සියලු අංශ සමග එක්ව ක්‍රියාකරයි. ගොඩනැගිලිවල මෙන්ම ඒ සඳහා යොදාගන්නා අමුද්‍රව්‍යවල පරිසරහිතකාමීත්වය තහවුරු කරන ජාත්‍යන්තරව පිළිගත් ප්‍රමිතිකරණයක් වන හරිත සහතික ප්‍රදානය, ආයතනයෙන් සිදුකරන වැදගත්ම කාර්යභාරයකි. ජලය හා ඉන්ධන වැනි සම්පත් භාවිතයේ කාර්යක්ෂමතාව, සෞඛ්‍ය ආරක්ෂණය, පරිසර දූෂණය අවම කරවීම, පාරිසරික තත්ත්ව කළමනාකරණය විද්‍යාත්මකව සනාථකළ පාරිසරික බලපෑම් විශ්ලේෂණය සහ තාක්ෂණික භාවිතය වැනි උපමාන රැසක් යොදාගනිමින් මෙම
TOKYO SUPER BHC සංයෝග කරන ලද ද්‍රාව සිමෙන්තිය සඳහා CIOB හරිත සම්මානය හිමිවීම, අපගේ පරිසරයේ ස්ථිරසාර පැවැත්ම සහතික කරන ඉදිකිරීම් සංස්කෘතියක් ඇතිකිරීම උදෙසා ටෝකියෝ සිමෙන්ති සමාගම ගන්නා ප්‍රයත්නයේ වැදගත් සන්ධිස්ථානයකි. රටේ ඉදිකිරීම් ක්ෂේත්‍රයට නව්‍ය නිෂ්පාදන රැසක් හඳුන්වා දී ඇති සමාගම, පාරිසරික සංරක්ෂණය සිය ව්‍යාපාරික ගමන්මගේ නිසග කොටසක් බවට පත්කරගෙන සිටියි.
අපේ රට, රටේ ජනතාව සහ රටේ පරිසරය ස්ථිරසාර අන්දමින් නගාසිටුවීම, සිය ප්‍රමුඛතම වගකීම කොට සලකන ටෝකියෝ සිමෙන්ති සමාගම අප රටේ පුනර්ජනනීය බලශක්ති උත්පාදනයේ පෙරටුගාමී මෙහෙවරක් සිදුකරයි. ජෛව ඉන්ධන භාවිතයෙන් දැවැන්ත කර්මාන්තශාලා ක්‍රියාත්මක කරවන අතරතුර, එහි අතිරික්තය ජාතික විදුලි පද්ධතියට එකතු කරමින් දේශයේ පුනර්ජනනීය විදුලි ජනනය උදෙසා විශාලතම දායකත්වය ලබා දෙන පෞද්ගලික සමාගම ලෙස ටෝකියෝ සිමෙන්ති සමූහය පෙරමුණ ගනියි.
අප රටේ වේගවත් සංවර්ධනය සලකුණු කෙරෙන දැවැන්ත ගොඩනැගිලි සහ මහා පරිමාණ ඉදිකිරීම් ව්‍යාපෘති රාශියකට සිය ශක්තිය සපයමින් ශ්‍රී ලංකාවේ අනාගතයට ශක්තිමත් අඩිතාලමක් ගොඩනැංවීමේ සිය පොරොන්දුව ඉටු කිරීමට සමාගම මේ වනවිට සමත්ව සිටී.
ටෝකියෝ සිමෙන්ති සමූහය හා The Music Project එකමුතුව 2018 වසරටත්
ටෝකියෝ සිමෙන්ති සමූහය, ගම්බද දරුවන්ට නොමිලේ සංගීතය උගන්වන The Music Project (ද මියුසික් ප්‍රොජෙක්ට්) ව්‍යාපෘතිය සමග 2018 වසර සඳහාත් අනුග්‍රාහකත්වය දැක්වීමට එක්ව සිටියි. ද මියුසික් ප්‍රොජෙක්ට් යනු ලංකාවේ අගනුවරින් දුරබැහැර අඩු පහසුකම්ලත් පාසල්වල දරුවන්ට සංගීත අධ්‍යාපනය ලබාදෙමින්, එතුලින් ඔවුන්ගේ සිහින සැබෑ කරගැනීමට අත්වැලක් සපයන ලාභය අරමුණ කරනොගත් ව්‍යාපෘතියකි. 2017 වසරේ සිට ටෝකියෝ සිමෙන්ති සමූහය මෙම …
ටෝකියෝ සිමෙන්ති සමූහය, ගම්බද දරුවන්ට නොමිලේ සංගීතය උගන්වන The Music Project (ද මියුසික් ප්‍රොජෙක්ට්) ව්‍යාපෘතිය සමග 2018 වසර සඳහාත් අනුග්‍රාහකත්වය දැක්වීමට එක්ව සිටියි. ද මියුසික් ප්‍රොජෙක්ට් යනු ලංකාවේ අගනුවරින් දුරබැහැර අඩු පහසුකම්ලත් පාසල්වල දරුවන්ට සංගීත අධ්‍යාපනය ලබාදෙමින්, එතුලින් ඔවුන්ගේ සිහින සැබෑ කරගැනීමට අත්වැලක් සපයන ලාභය අරමුණ කරනොගත් ව්‍යාපෘතියකි. 2017 වසරේ සිට ටෝකියෝ සිමෙන්ති සමූහය මෙම වැඩසටහනට සිය දායකත්වය සපයයි.
ආයතන දෙක අතර මේ වසරේ ඇතිකරගත් අවබෝධතාවයට අනුව, ටෝකියෝ සිමෙන්ති සමූහයේ දායකත්වයෙන් මුලතිවු පාලිනගර් මහා විද්‍යාලයේ දරුවන් 110ක් සහ කුරුණෑගල, මාවතගම ශ්‍රී ගුණානන්ද මහා විද්‍යාලයේ දරුවන් 65ක් වෙනුවෙන් The Music Project සංගීත පුහුණු වැඩසටහන් පවත්වනු ඇත.
එමගින් මෙම දරුවන්ට පාසැල් අධ්‍යාපනයට පරිබාහිරව සතිපතා පැවැත්වෙන සංගීත පන්තිවලදී ඔවුන් කැමතිම බටහිර හා පෙරදිග සංගීත භාණ්ඩ වාදනය උගන්වනු ඇත. දක්ෂතා ඇති දරුවන්ට ව්‍යාපෘතියට අයත් තවත් පාසල් හයක දරුවන්ගෙන් සුසැදි වාද්‍ය වෘන්දයට එක්වීමේ අවස්ථාව ද මින් උදාවේ. රට පුරා පැවැත්වෙන විවිධ සංස්කෘතික උත්සව වලට සහභාගීවෙන The Music Project වාද්‍ය වෘන්දය, දරුවන්ට සිය නිර්මාණශීලීත්වය ඔප්නංවා ගැනීමට තෝතැන්නක් මෙන්ම, සියළුදෙනාටම එකසේ ගරු කිරීම, පොදු අරමුණකට කැපවීම, අභියෝග ජයගැනීම වැනි වටිනා ජීවන කුසලතා වර්ධනයට අඩිතාලමක් සපයයි.
සංගීත පන්තියේ පුහුණුවීම් වල යෙදෙන මුලතිව් පාලිනගර් මහා විද්‍යාලයේ දරුවන්
ඉතා අවම පහසුකම් යටතේ පාසැල් වේලාවෙන් පසු සතිපතා පැවැත්වෙන සංගීත පන්තියට පාලිනගර් මහා විද්‍යාලයේ දරුවන්, සිය දෙමව්පියන් සමග කඩිසර කුහුඹුරැලක් මෙන් ඉතා උද්යෝගයෙන් පැමිණෙන්නේ බොහෝ බාධක සහ අගහිඟකම් අභිභවමිනි. මාවතගම ශ්‍රී ගුණානන්ද මහා විද්‍යාලයේ සංගීත පන්තිය ද මෙවැනිම ස්වරූපයක් ගනී. සිය දරුවන් වෙනුවෙන් ගොවිතැන් කටයුතු පවා අතපසු කරගනිමින් එන දෙමව්පියන්ගේ මෙන්ම, පාසලේ විදුහල්පතිතුමන් ඇතුළු ගුරුවරුන්ගේ නොමද කැපවීම සහ උනන්දුව ව්‍යාපෘතියට වටිනා දිරිගැන්වීමක් සපයයි. පන්ති පැවැත්වෙන ස්ථානය සුදානම් කිරීම හා දරුවන්ට ආහාර බෙදාදීම සිදුකරන්නේ ද එම ගැමි දෙමව්පියන් විසිනි. විදුහල් භූමියේ ගස් යට එලාගත් පැදුරු මත දරුවන් විසින් වටකරගත් The Music Project ව්‍යාපෘතියට අනුයුක්ත ගුරුවරුන් මෙන්ම ලොව විවිධ රටවල් වලින් මෙහි පැමිණෙන විදේශීය ස්වේච්ඡා ගුරුවරුන් මෙම පාසැල්වල සුලභ දසුනකි. ටික වෙලාවකින් අවට පරිසරය මිහිරි සංගීතයෙන් මෙන්ම කුඩා දරුවන්ගේ කෙළිලොල් කතාබහින් හා සිනාවෙන් පිරියන්නේ, ව්‍යපෘතිය නිසා මෙම දරුවන්ගේ ජීවිත වල සිදුවූ අපූරු වෙනස සැමට විදහාපාමිනි.
කුරුණෑගල ශ්‍රී ගුණානන්ද විදුහලේ දරුවන් සංගීත පුහුණුවීම් අතරතුර
උතුර දකුණ යාකරන සාමුහිකත්වයේ පාලමක් ගොඩ නංවමින්, මුලතිව් සහ මාවතගම පාසල්වල වසරකට දෙවරක් පැවැත්වෙන ගෘහස්ථ පුහුණු සැසිවාර, මෙම දරුවන් හා දෙමව්පියන් එක පවුලක් සේ මුණගැසෙන තවත් අවස්ථාවකි. මෙම පුහුණු කඳවුරුවලදී, යුද්ධයෙන් පීඩා විඳි ගොවිතැන ජීවනෝපාය කරගත් විවිධ ජාති, ආගම්, සහ කුල වලට අයත් දෙමව්පියන්, තම දරුවන්ගේ අනාගතය ආලෝකමත් කිරීමට ඒ සියළු භේද ඉවතලා සමගියෙන් කටයුතු කරනු දැකගත හැකියි. මෙහිදී ගොඩනැගෙන සහෝදරත්වයේ බැඳීම් මෙම දරුවන්ගේ සංගීතමය චාරිකාවට මහත්වූ රුකුලකි.
මෙරට සහ විදේශයන්හි වෙසෙන දානපතියන්ගේ පරිත්‍යාග සහ ප්‍රමුඛතම ව්‍යාපාරික ආයතන කිහිපයක දායකත්වයෙන් ගොඩනැගුණු භාරකාර අරමුදලකින් The Music Project ව්‍යාපෘතිය ක්‍රියාත්මක වේ. සංගීතයෙන් දරුවන්ගේ සිත් සුවපත් කරවා ඔවුන්ගේ අනාගතය දීප්තිමත් කිරීමට නැවුම් පිටිවහලක් ලබාදීමේ අභිලාශයෙන් ටෝකියෝ සිමෙන්ති සමූහය මෙම වැඩසටහන සමග 2017 වසරේ සිට එක්ව සිටියි.
දශක ගණනාවක් පුරා උසස් තත්ත්වයේ සිමෙන්ති සහ කොන්ක්‍රීට් නිපදවීමෙන් ශ්‍රී ලංකාවේ ඉදිකිරීම් ක්ෂේත්‍රයේ ඉහලින්ම කියැවෙන ටෝකියෝ සිමෙන්ති සමාගම, අප රට, රටේ ජනතාව සහ රටේ පරිසරය ස්ථිරසාර අන්දමින් ගොඩනැංවීම උදෙසා මෙවන් දූරදර්ශී වැඩසටහන් රාශියකට දායකත්වය සපයයි. තවද, බොහෝ දෙනෙකුගේ අවධානය හිමි නොවන පාරිසරික සංරක්ෂණ ව්‍යාපෘති කිහිපයක් ද සමාගම විසින් ක්‍රියාත්මක කරයි. දැඩිව වඳවීමේ තර්ජනයට මුහුණපා තිබෙන නැගෙනහිර වෙරළේ කඩොලාන ශාක නැවත වගා කිරීම සහ ශ්‍රී ලංකා නාවික හමුදාව සහ තවත් රාජ්‍ය නොවන සංවිධාන කිහිපයක් සමඟ සිදුකරන කොරල් සංරක්ෂණ ව්‍යාපෘතිය මින් ප්‍රමුඛත්වය ගනියි. අප රටේ වේගවත් සංවර්ධනය සලකුණු කෙරෙන දැවැන්ත ඉදිකිරීම් ව්‍යාපෘති රාශියකට ශක්තිය සපයමින් ශ්‍රී ලංකාවේ අනාගතයට ශක්තිමත් අඩිතාලමක් වීම සමාගමේ පොරොන්දුවයි.
ඡායාරූපය:
ටෝකියෝ සිමෙන්ති සමූහයේ කළමනාකාර අධ්‍යක්‍ෂ එස්. ආර්. ඥානම් මහතා සහ The Music Project ව්‍යාපෘතියේ භාරකාර ශලිනි වික්‍රමසූරිය මහත්මිය අනුග්‍රාහක අවබෝධතා ගිවිසුම අත්සන් තබමින්.
පසුගිය පුවත් නිවේදන
| 2024 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2023 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2022 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2021 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2020 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2019 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2018 | Jan | Feb | Mar | Apr | May | Jun | Jul | Aug | Sep | Oct | Nov | Dec |
| 2017 | Jan | Feb | Mar | Apr | May | Jun | Jul | Aug | Sep | Oct | Nov | Dec |
