වෙළෙඳපොළ හිඟය වහා පිරවීමට ටෝකියෝ සිමෙන්ති සමාගමෙන් අඩුම මිලට සිමෙන්ති බෙදාහරියි

වත්මනෙහි රටේ පවතින සිමෙන්ති හිඟය වහා පිරවීමට ටෝකියෝ සිමෙන්ති සමාගම විසින් කඩිනම් පියවරක් ලෙස ආනයනය කරන ලද සිමෙන්ති කොට්ට තොගයක් අඩුම මිලට පාරිභෝගිකයින් වෙත ලබා දීම සඳහා වෙළඳපොලට නිකුත් කර ඇත. සිමෙන්ති ආනයනකරුවන් විසින් සිමෙන්ති කොට්ට ආනයනය නවතා දැමීමත් සමඟ වෙළඳපොලේ ඇති වූ දැඩි සිමෙන්ති හිඟය පිරවීම සඳහා සිමෙන්ති කොට්ට තොගයක් වහාම ගෙන්වීමට ටෝකියෝ සිමෙන්ති …

වත්මනෙහි රටේ පවතින සිමෙන්ති හිඟය වහා පිරවීමට ටෝකියෝ සිමෙන්ති සමාගම විසින් කඩිනම් පියවරක් ලෙස ආනයනය කරන ලද සිමෙන්ති කොට්ට තොගයක් අඩුම මිලට පාරිභෝගිකයින් වෙත ලබා දීම සඳහා වෙළඳපොලට නිකුත් කර ඇත.

සිමෙන්ති ආනයනකරුවන් විසින් සිමෙන්ති කොට්ට ආනයනය නවතා දැමීමත් සමඟ වෙළඳපොලේ ඇති වූ දැඩි සිමෙන්ති හිඟය පිරවීම සඳහා සිමෙන්ති කොට්ට තොගයක් වහාම ගෙන්වීමට ටෝකියෝ සිමෙන්ති සමාගම විසින් පියවර ගන්නා ලදී. ඒ අනුව, සිමෙන්ති හිඟය හේතුවෙන් නොයෙක් අපහසුතාවයන්ට මුහුණදීමට සිදුවූ පාරිභෝගියන්ට ඉක්මන් සහනදායී විසඳුමක් ලබාදෙමින් ආනයනික සිමෙන්ති කොට්ටයක් වෙළඳපොලේ අඩුම මිලට දිවයිනේ සෑම ප්‍රදේශයකම පාරිභෝගිකයන් වෙත 1,275/- ක උපරිම සිල්ලර මිලකට ලබාදීමට සමාගම කටයුතු සලස්වා ඇත.

පසුගිය මස ප්‍රකාශයක් නිකුත් කරමින් වෙළඳපොලේ පවතින හිඟය සපුරාලීම සඳහා ටෝකියෝ සිමෙන්ති සමූහය විසින් පියවර කිහිපයක් ගන්නා බව නිවේදනය කළේය. රටේ විශාලතම සිමෙන්ති නිෂ්පාදකයා ලෙස දේශීය සිමෙන්ති නිෂ්පාදනයට ප්‍රමුඛත්වය දෙමින් දිවයින පුරා අඛණ්ඩ සැපයුමක් සහතික කරනු පිණිස ත්‍රිකුණාමලයේ සිය නිෂ්පාදන කම්හල උපරිම ධාරිතාවයෙන් පැය 24 පුරාම ක්‍රියාත්මක කරවීම මින් පළමුවැන්නයි. තවද, රජය විසින් කරන ලද විශේෂ ඉල්ලීමකට අනුව හදිසි පියවරක් ලෙස කොළඹ වරායේ පිහිටි ටෝකියෝ සිමෙන්ති සමාගමේ පර්යන්තය හරහා මසකට ආනයනය කරන සිමෙන්ති මෙට්‍රික් ටොන් 30,000 ට අමතරව සිමෙන්ති මෙට්‍රික් ටොන් 12,000ක් ආනයනය කිරීමට ද විශේෂ වැඩපිළිවෙළක් යොදන ලදී.

එමෙන්ම, දේශීය ඉදිකිරීම් කර්මාන්තයේ දිනෙන් දින ඉහළ යන අවශ්‍යතාවයන් සපුරාලීමට හැකිවන පරිදි ටෝකියෝ සිමෙන්ති සමාගමේ ත්‍රිකුණාමල කර්මාන්තශාලාවේ නිෂ්පාදන ධාරිතාවය 2023 මුල් භාගය වන විට තවත් මෙට්‍රික් ටොන් මිලියනයකින් ඉහළ දැමීමේ ව්‍යාපෘතියට මුල්ගල් තැබීම පසුගියදා සිදුකෙරිනි. මෙම සියළු ප්‍රයත්නයන් මගින් දේශීය ආර්ථිකය තුළ අගය එකතු කිරීම සිය පළමු වගකීම කරගනිමින්, දිවයින පුරා සිටින පාරිභෝගිකයන්ගේ අවශ්‍යතාවය සපුරාලීමට අඛණ්ඩ සිමෙන්ති සැපයුමක් සහතික කිරීම ටෝකියෝ සිමෙන්ති සමාගමේ අරමුණයි.

අප රටේ ප්‍රගමනයට ශක්තිය සපයමින් දේශය ගොඩනැංවීමේ ප්‍රමුඛතම හවුල්කරුවා ලෙස ටෝකියෝ සිමෙන්ති සමාගම දිනා ඇති පාරිභෝගික විශ්වාසය තහවුරු කිරීමට ටෝකියෝ සිමෙන්ති සමාගම නිරතුරුව කැපව සිටියි.


ඡායාරූපය: (දකුණු පස සිට) ටෝකියෝ සිමෙන්ති සමාගමේ සමූහ අලෙවි කළමණාකාර දශාන්ත උඩවත්ත මහතා සහ අලෙවි කළමණාකාර – තොග සිමෙන්ති, ජිලානි මොහිදීන් මහතා, ආනයනික සිමෙන්ති කොට්ට තොගයක් බෙදා හැරීමේ අවස්ථාවට සහභාගීව සිටියහ.